Энэ сарын 31-ний дотор  өмчлөх, эзэмших эрхтэй газраа цахимд бүртгүүлэхгүй бол таныг газаргүй гэж үзнэ 

2022-12-01 16:57:00

Нийслэлийн газар зохион байгуулалтын албанаас 12 дугаар сарын 31-ний дотор өөрийн өмчлөх, эзэмших гэрчилгээтэй газраа цахим бүртгэлд бүртгүүлэхийг уриаллаа. Хэрэв энэ сард багтаан өөрийн өмчлөх, эзэмших эрхийн гэрчилгээтэй газрыг цахимд бүртгүүлэхгүй бол таныг газаргүй гэж үзнэ хэмээн Нийслэлийн газар зохион байгуулалтын албанаас анхаарууллаа. 

Газар эзэмших болон өмчлөх эрхийн гэрчилгээ авсан иргэн, ААН-үүд https://egazar.gov.mn/ цахим хуудсанд нэвтэрч өөрийн нэр дээрх газрын мэдээллийг харах боломжтой юм байна.

Хэрэв таны гэрчилгээтэй газрын мэдээлэл ороогүй байвал харьяа дүүргийнхээ Газар зохион байгуулалтын албанд хандан цахим бүртгэлд хамрагдах шаардлагатай.