Д.Амарбаясгалан: "Эрдэнэс Монгол" компанийн ажилтнууд сард 2-12 сая төгрөгөөр цалинжина

2022-12-30 12:43:00

"Эрдэнэс Монгол" компанийн бүтцийг өөрчилж, шинэ ажлын байруудад сонгон шалгаруулалт зарлаад байгаа. Эдгээр ажлын байранд ажиллах хүмүүс нь мэргэжлийн өндөр ур чадвартай, дадлага туршлагатай байх шаардлагатайг ЗГХЭГ-ын дарга Д.Амарбаясгалан өнөөдөр мэдээллээ. 

Мөн цалингийн зэрэглэл нь төрийн өмчийн байгууллагууд дундаа хамгийн өндөрт тооцогдоно гэлээ. Тухайлбал,

• Ахлах менежер буюу газрын даргын статустай ажиллах хүн сарын 9,000,000-12,000,000,
• Менежер буюу хэлтсийн даргын статустай ажиллах ажилтан сарын 6,500,000-8,500,000,
• Ахлах мэргэжилтэн сарын 4,000,000-6,000,000,
• Мэргэжилтэн сарын 2,000,000-4,000,000 төгрөгийн цалинтай байх юм.

"Эрдэнэс Монгол" компанийг бүтцийн өөрчлөлт хийж, ажлын байруудад нээлттэй сонгон шалгаруулалт зарлаж байгаа. Долоон газар, долоон хэлтэст нийт дүнгээрээ 88 хүн ажиллана гэв.