7.3 тэрбум төгрөг хураалгасан С.Батдөлийг нэг сар цагдан хорихоор боллоо

2023-01-09 11:10:00

УБТЗ ХХН-ийн албан тушаалтан С.Батдөл болон хамаарал бүхий этгээдүүдийн гэрээс нийт 7.3 тэрбум төгрөг хураан авч, түүнийг баривчилсан юм. 

Тэгвэл түүнийг цагдан хорих эсэхийг шийдэх шүүх хурал өнөөдөр болж, шийдвэрээ гаргасан байна.

Тодруулбал, яллагдагчаар татагдсан С.Батдөлийг нэг сарын хугацаагаар цагдан хорихоор болжээ.

Эрүүгийн Цагдаагийн Албанаас мөрдөн шалгах ажиллагаа явуулж байгаа эрүүгийн хэрэгт Эрүүгийн хуулийн 18.3 дугаар зүйлийн 1, 18.6 дугаар зүйлийн 2 дахь хэсгээр яллагдагчаар татагдсан түүнд цагдан хорих таслан сэргийлэх арга хэмжээ авах саналыг прокуророос ирүүлжээ.