Самар түүж яваад сураггүй болсон 25 настай эрэгтэйг олж, эсэн мэнд хүлээлгэн өгчээ

2023-01-10 10:15:00

Архангай аймгийн Булган сумын Тамир багийн “Асгат” гэдэг газар, аймгийн төвөөс баруун зүгт 20 км-т, сумын төвөөс зүүн зүгт 15 км-т дөрвөн хүн самар түүж явснаас иргэн У сураггүй болжээ.

Тодруулбал, нэгдүгээр сарын 8-ны 17.00 цагийн орчим сураггүй болж, тухайн хэргийн дуудлагыг нэгдүгээр сарын 9-ний 01.15 цагт хүлээн авчээ.

Тус аймгийн Онцгой байдлын газрын Эрэн хайх, аврах салбарын алба хаагчид, Булган сумын Засаг даргын Тамгын газрын ажилтнууд, ар гэрийнх нь хамтаар эрэн хайх ажлыг эхлүүлсэн юм.

Улмаар өчигдөр 15.25 цагт Ихтамир сумын Хан-Өндөр багийн Их-Өлөнт гэх газарт төөрсөн явж байхад нь эсэн мэнд олжээ.

Иргэний биеийн байдал хэвийн байгаа ажээ. Түүнийг Булган сум дахь Цагдаагийн хэсгийн мөрдөгчид хүлээлгэн өгсөн байна.