17 хүртэлх насны хүүхдүүдийн дунд шүд цоорох өвчний тархалт 80 гаруй хувьтай байна

2023-01-24 10:05:00

2022 оны тавдугаар сарын 1-нээс Монгол Улсын иргэн бүрийг эрүүл мэндийн эрт илрүүлэг үзлэг шинжилгээнд хамруулж эхэлсэн. Өнөөдрийн байдлаар 816,624 иргэн эрт илрүүлэгт хамрагджээ. Үүний 49%-ийг Улаанбаатарын, 51%-ийг орон нутгийн иргэд эзэлж байгаа юм.

Орон нутагт Говьсүмбэр, Сүхбаатар, Өвөрхангай, Орхон, Говь-Алтай аймгийн иргэд эмнэлэгт идэвхтэй үзүүлж байна гэдгийг салбар яамнаас мэдээллээ.

Эрт илрүүлэгт хамрагдсан 816,624 иргэний давхардсан тоогоор 588,000 иргэнд өвчний сэжигтэй тохиолдол илэрчээ. Тодруулбал, 

• Хоол боловсруулах тогтолцооны
• Амьсгалын тогтолцоо
• Зүрх, судасны тогтолцоо
• Дотоод шүүрэл, бодисын солилцооны
• Шээс, бэлгийн замын өвчлөлүүд нийт өвчлөлийн 90 орчим хувийг эзэлж байна. 

0-17 насны хүүхдүүдийн дунд шүд цоорох өвчний тархалт 80 гаруй хувьтай буюу 10 хүүхэд тутмын 8 нь цоорхой шүдтэй байна.

18-30 насны иргэдийн дунд шээс, бэлгийн замын тогтолцооны эмгэгүүд, 31-ээс дээш насны бүх иргэнд хоол боловсруулах тогтолцооны өвчлөл өндөр байгаа статистик гарчээ.