"IHC" койны хохирогч: О.Мөнхжинд итгэж, насаараа хураасан 142 сая төгрөгөө алдсан

2023-02-01 16:25:00

IHC койныг худалдан авч хохирсон гэх иргэд олон нийтэд хандан мэдээлэл хийлээ.

Тодруулбал хохирсон гэх эмэгтэй хэлэхдээ: "Койныг анх гарахад цагдаагийн байгууллага, санхүүгийн зохицуулах хороо яагаад иргэддээ мэдээлж, анхааруулаагүй бэ. "IHC"-г гаргасан хүмүүс байнга стори хийж, итгэл төрүүлдэг. Би анх зургаан төгрөг 80 мөнгө байхад нь койн авч байсан. Тухайн үед унасан ч дансандаа мөнгө байгаа болохоор өдөр болгон хууртаад аваад л байсан.

О.Мөнхжингийн сторид бичлэгт найдаж, койн авсаар байгаад 123 сая төгрөгөө хоёр сая болгочихоод сууж байна. Над шиг мянга мянган иргэн хохирсон болов уу гэж бодож байна. Намайг хэн ч хүчлээгүй ч койн аваарай гэж урамшуулал зарлаж, уриалдаг. 142 сая төгрөгийг би насаараа хураасан. Хашаа, байшингаа зарж, цалингийн зээл авсан над шиг хүмүүс олон байгаа" гэв.