Өнөөдрийн байдлаар 231,834 өрхийн мэдээллийг залруулж,  90.8 хувьд нь хүүхдийн мөнгийг олгосон гэв

2023-02-02 10:32:00

Өчигдөр Сангийн сайд Б.Жавхлан Хөдөлмөр, нийгмийн хамгааллын дэд сайд С.Зулпхар болон Татварын Ерөнхий Газрын дарга зэрэг холбогдох албаныхан сэтгүүлчдэд мэдээлэл өглөө.

Энэ үеэр Хөдөлмөр, Нийгмийн Хамгааллын дэд сайд С.Зулпхар хүүхдийн мөнгийг 90.8 хувьд олгоод байгаа талаар мэдээлсэн юм.

Тэрбээр, "Нэгдүгээр сарын эцсийн байдлаар нийт хүүхдийн 90.8 хувь буюу 1,145,000 гаруй хүүхдэд хүүхдийн мөнгөн тэтгэмж олгосон. Гүйлгээг нэгдүгээр сарын 19, 25-нд хийсэн. Нийт 231,834 өрхийн мэдээлэл залруулагдсан. Тухайлбал, ам бүлийн тоотой холбоотой 47,007 мэдээлэл, хүүхдийн 29,247 мэдээлэл залруулагдсан" гэв. 

Хоёрдугаар сарын 8-ныг хүртэл мэдээллийн санг засаж, үнэлгээг дахин бодох юм байна.