Говь-Алтай аймгийн Засаг дарга О.Амгаланбаатар Ланд Крузер- 200 машиныг нэг сая төгрөгөөр хувьчилжээ

2023-05-09 16:39:00

Говь-Алтай аймгийн Засаг дарга О.Амгаланбаатарын хууль зөрчсөн үйлдлийн талаар аймгийн иргэдийн хурлын зарим төлөөлөгч мэдээлэл хийлээ. 

О.Амгаланбаатар нь татвар төлөгчийн 1,5 тэрбум төгрөгийг үр ашиггүй зарцуулж, өнгөрсөн жил зохион байгуулсан залуучуудын чуулга уулзалтад 135,9 сая, зочид төлөөлөгчийг хүлээж авах зардалд 79 сая төгрөг зарцуулжээ.

Түүнчлэн 2022 онд 12 обьект, 68 автомашин хувьчилсан байна.

Тодруулбал,  

• • 25.7 сая төгрөгийн засвар хийсэн 2013 оны Ланд 200 маркийн авто машиныг 1 сая төгрөгөөр,
  • 8.7 сая төгрөгийн үлдэх өртөгтэй, 2014 онд авсан Ланд 80 маркийн авто машиныг 500 мянган төгрөгөөр,
  • 15.7 сая төгрөгийн үлдэх өртөгтэй, 2018 оны УА3-31519 маркийн Хаантер авто машиныг 500 мянган төгрөгөөр,
  • 8.6 сая төгрөгийн үлдэх өртөгтэй, 2020 онд орж ирсэн соната-7 маркийн авто машиныг 1.5 сая төгрөгөөр тус тус зарсан байна.

Энэ мэтчилэн хууль зөрчсөн үйлдлүд гаргасан учраас аймгийн Засаг дарга О.Амгаланбаатарыг огцруулах хүсэлтийг Ерөнхий сайдад хүргүүллээ. 

Мөн О.Амгаланбаатарыг огцрох хүртэл тэмцлээ үргэлжлүүлнэ гэдгээ илэрхийллээ.