Улсын төсөвт 200 гаруй тэрбум төгрөгийг тусгаж, 600 гаруй км замд урсгал засвар хийнэ

2023-09-01 16:16:00

ЗТХ-ийн сайд С.Бямбацогт авто замын салбарт тулгамдсан асуудлууд шийдэгдэж байгаа талаар мэдээллээ. 

Тодруулбал, Засгийн газраас  21 аймгийг хооронд нь хатуу хучилттай замаар холбох шийдвэр гарчээ.

Өөрөөр хэлбэл хангайн, өмнөд, баруун, зүүн, төвийн гэсэн таван бүс хоорондоо хатуу хучилттай замаар холбоно. 21 аймгийн 96 сум хоорондоо хатуу хучилттай замаар холбогдсон байдаг. Монгол Улс 15,000 км олон улсын болон улсын чанартай замтай, үүнээс 7,500 км нь хатуу хучилттай зам болсон. Хатуу хучилттай 7,500 км замын дийлэнх нь 6-аас дээш жилийн насжилттай, эвдэрч, гэмтсэн. Иймээс барьсан замаа засахаар улсын төсөвт 200-аас дээш тэрбум төгрөгийг тусгаж, 600 гаруй км замд урсгал засвар хийхээр болж байна. Сүүлийн 30 жилийн хугацаанд их засвар хийгээгүй хатуу хучилттай замыг засахаар боллоо.  Тамын 50 буюу Хэнтийгээс Дорнод хүртэлх, түүний цаана буй 27 км замыг чанаргүй барьсан компаниудад хариуцлага хүлээлгэхээр хуулийн байгууллагад хандсан. Хуулийн хариуцлага тооцуулаад замаа засахгүй хаяхгүй, засуулна" гэв.