Монголын үйлдвэрчний эвлэлийн холбооны ерөнхийлөгчөөр С.Эрдэнэбатыг томилжээ

2021-12-21 14:22:00

Монголын үйлдвэрчний эвлэлийн холбооны Ерөнхий зөвлөлийн  Анхдугаар хурал энэ сарын 19-нд болсон. Уг хуралдаанаар тус холбооны удирдлагын баг бүрэлдэхүүнийг сольжээ. Тухайлбал МҮЭХ-ны Ерөнхийлөгч Х.Амгаланбаатар ажлаа өгч оронд нь тус холбооны дэд Ерөнхийлөгч С.Эрдэнэбатыг томилсон байна.

МҮЭ-ийн холбооны ерөнхийлөгчөөр ажиллаж байсан Х.Амгаланбаатар шинээр сонгогдсон ерөнхийлөгч С.Эрдэнэбатад байгууллагын гэрчилгээ, тамгыг албан ёсоор өчигдөр хүлээлгэн өгчээ. Мөн МҮЭ-ийн холбооны үйл ажиллагааг хэвийн үргэлжлүүлж, их хурлын шийдвэрийг хэрэгжүүлэхэд хичээл зүтгэлтэй, багаар ажиллахыг хүсээд, амжилт ерөөжээ.

МҮЭ-ийн холбооны ерөнхийлөгчөөр С.Эрдэнэбат 76.4 хувийн саналаар сонгогдсон байна.