Чингэлтэй дүүргийн Засаг дарга Н.Батсүмбэрэл төсвийн мөнгөөр тансагласаар

2023-10-03 12:19:00

Төсвийн мөнгө уйлдаггүй. Томоос эхлээд хурган дарга нар хүртэл төсвийн мөнгийг үр ашиггүй зүйлд зарцуулж, эгээтэй л хэрхэн үрэхээ бодож толгой нь гашилж суудаг гэлтэй. 

Үүний нэг жишээ Чингэлтэй дүүргийн Засаг дарга Н.Батсүмбэрэл 30 орчим сая төгрөгөөр тоглочхоод сууж байна. 

Тодруулбал, 7 сая төгрөгөөр тавилгаа сольсон, 16 сая төгрөгөөр Хөдөлмөрийн алдар одон медаль хийлгэж, иргэдээ шагнажээ. Мөн сар бүр “Цагаанбаатар академи”-д 5 сая 300 мянган төгрөгийн татаас төлдөг. Хөдөлмөрийн баатар Х.Цагаанбаатарын академид дүүргийнхээ хүүхдүүдийг 50 хувь хөнгөлөлттэй сургана гэчихсэн юм билээ. Түмний татварын мөнгөөр дүүргийнхнээ ивээн тэтгээд байж боломгүй. 

Угтаа бол “Төрийн хэмнэлтийн тухай” хууль батлагдаад хэрэгжиж буй. Гэвч хурган дарга нар нь хуулиа үл ойшоон, төсвийн мөнгөнд үрэлгэн хандаад байвал улсын данс улайна шүү дээ. Энэ мэт дураараа авирлагсдад намын ах нар нь сануулга өгч, хариуцлага тооцох л ёстой.