Ирэх хичээлийн жилд ЕБС-ийн хөтөлбөрийг 3-6 хичээлээр цөөлнө

2024-03-21 12:42:00

Ирэх хичээлийн жил буюу 2024 оны есдүгээр сарын 1-нээс сургуулийн өмнөх болон ерөнхий боловсролын сургуулийн хичээлийн хөтөлбөрт өөрчлөлт оруулж, зарим хичээлийг хасахаар төлөвлөж буй талаар салбарын сайд мэдээлсэн.

Хасах болсон шалтгаан нь сурагчдын үзэж буй хичээлийн тоо их, түүнийгээ дагаад ачаалал их байна гэлээ. Мөн хүүхэд анги дэвших тусам суралцах сонирхол буурахаас гадна манай боловсролын хөтөлбөр сонирхолгүй, агуулга, чанар сул байна гэсэн судалгаа гарчээ.    Тиймээс энэ жилийн 9-р сарын 1-нээс цэцэрлэг болон бага ангийн хөтөлбөрийн сайжруулалт, 2025 оноос эхлэн дунд болон ахлах ангийн хөтөлбөрийг сайжруулж  хичээлүүдийн тоог цөөлж, хичээлүүдийн агуулгыг хооронд нь уялдуулан нэгтгэхээр болжээ.  Яг ямар хичээл хасах эсэх нь одоогоор тодорхойгүй байна.