Аргал оруулж ирэхээр гараад сураггүй алга болсон 15 настай хүүг эрэн хайж байна

2024-04-02 10:48:00

Булган аймаг, Бүрэгхангай сумын Дэрст багийн "Нарийны-Ам" гэдэг газар аймгийн төвөөс зүүн урд зүгт 110 км, сумын төвөөс зүүн зүгт 40 км/-т  өчигдөр 10:00-11:00 цагийн орчимд иргэн Б гэрийнхээ гаднаас аргал оруулж ирнэ гэж гараад сураггүй болсон байна. 

Энэ тухай дуудлагыг 4 дүгээр сарын 1-ний 19:00 цагт Онцгой байдлын байгууллага хүлээн авчээ. 

Аймгийн Онцгой байдлын газрын Эрэн хайх, аврах салбарын алба хаагчид, Бүрэгхангай сумын сум дундын Цагдаагийн тасгийн алба хаагчид, мэргэжлийн анги, ар гэрийнхэнтэй хамтран  иргэн Б/15 настай, эрэгтэй/-ыг эрэн хайх ажиллагааг 19:30 цагаас эхлэн зохион байгуулан ажиллаж байна. 

Эх сурвалж: Онцгой байдлын ерөнхий газар