Голд живж байсан хоёр хүүхдийг авраад өөрөө осолджээ

2024-06-18 10:23:00

Сэлэнгэ аймгийн  Шаамар сумын “Ерөө” голын усанд бага насны 2 хүүхэд живж байхад нь аварсан иргэн Б өөрөө осолдсон байна. Онцгой байдлын газрын Эрэн хайх, аврах бүлгийн алба хаагчид 19 настай иргэн Б-г эрэн хайх ажиллагааг зургаадугаар сарын 17-ны өдрийн 05:30 цагаас эхлэн анх осолдсон газраас зүүн хойд зүгт 14 км-т “Хуучин модон гүүр” гэдэг газар хүртэл 4 удаа, нийт 56 км завьтай урсаж, голын булан тохой, бут бургас, хаялга зэргээр самналт хийж, анх осолдсон газраас болон эргээсээ 3.5 метр зайд, 3 метрийн гүнд шумбалт хийж цогцсыг 15:10 цагт олжээ. 

Аялал зугаалганы цаг эхэлж байгаа энэ үед асран хамгаалагчид та бүхэн сонор сэрэмжтэй байж, бага насны хүүхдээ хараа хяналтгүй орхихгүй байхыг анхааруулж байна.