Хангай бүсийн салбар зээлийн батлан даах хүсэлтийг шуурхай шийдвэрлэдэг боллоо

2024-05-31 11:42:00

Зээлийн батлан даалтын сангийн анхны салбар болох Хангайн бүс хариуцсан салбарын Зээлийн батлан даалтын дэд хороо байгуулагдлаа.

Хангайн бүс хариуцсан салбарын Зээлийн батлан даалтын дэд хороо анхныхаа хурлыг хуралдуулж Шинэ хоршоо хөтөлбөрийн хүрээнд;

Баянхонгор, Өвөрхангай аймгийн 3 хоршооны 11 малчинд 383.0 сая төгрөгийн зээлд 280.4 сая төгрөгийн батлан даалт гаргахаар шийдвэрлэжээ. Мөн Баянхонгор, Архангай аймгийн 11 иргэний 1,103.6 сая төгрөгийн орон сууцны ипотекийн зээлийн урьдчилгаа төлбөрт 203.4 сая төгрөгийн батлан даалтыг гаргахаар шийдвэрлэж 11 айл өрхийг тав тухтай, тохилог орон сууцанд амьдрах боломжийг бүрдүүлжээ.

Зээлийн батлан даалтын дэд хороо байгуулагдсанаар барьцаа хөрөнгийн дутагдалтай жижиг, дунд үйлдвэр, бизнес эрхлэгч аж ахуйн нэгж, орон сууцны ипотекийн зээлийн урьдчилгаа төлбөр хүрэлцэхгүй байгаа иргэд, шинэ хоршоо байгуулж хөрөнгө оруулалтын зээл авах хүсэлтэй малчид зээлийн батлан даалтын шийдвэрийг богино хугацаанд газар дээр нь гаргуулах боломж бүрдэж байна.