Өмнөговь аймаг цэцэрлэгийн хоолны зардлыг 50 хувь нэмэгдүүлжээ

2024-10-15 16:26:00

Өмнөговь аймаг хүүхдийн хоолны зардлаа нэмэхээс аргагүйд хүрсэн талаар албаныхан мэдээллээ. 

Тухайлбал, 2024-2025 оны хичээлийн жилд Өмнөговь аймгийн хэмжээнд 32 цэцэрлэгийн 6617 хүүхдийн хоолны зардлыг 50 хувь буюу 1237 төгрөгөөр нэмэгдүүлжээ. Үүнд орон нутгийн төсвөөс нийт 1 сая 571 мянган 663 төгрөг шийдвэрлэж байгаа аж.

• Мөн ерөнхий боловсролын сургуулийн 17 дотуур байрны 926 суралцагчийн хоолны зардлыг 100 хувь буюу 2950 төгрөгөөр нэмэгдүүлж, шаардлагатай 654 сая 151 мянга 450 төгрөг,
• ерөнхий боловсролын 22 сургуулийн 6 дугаар ангийн 1555 суралцагчийн хоолны зардлыг 100 хувь буюу нэг суралцагчийн зардал 1500 төгрөгийг орон нутгийн төсвөөс 408,187,500 төгрөгийг шийдвэрлэхээр болжээ.

Ингэснээр аймгийн цэцэрлэг, сургуулийн хоол үйлдвэрлэлийн үйлчилгээг амжилттай үргэлжлүүлэх боломж бүрджээ.