Боловсролын ерөнхий газрын даргаар Т.Ням-Очирыг томилжээ

2022-01-26 11:36:00

Боловсролын салбарын бодлогын шинэчлэлийн хүрээнд Боловсролын ерөнхий газрыг байгуулахаар Засгийн газраас шийдвэрлэсэн юм. Засгийн газрын өнөөдрийн хуралдаанаар шинээр байгуулж буй Боловсролын ерөнхий газрын даргаар Төмөр-Очирын Ням-Очирыг томилсон байна.

Т.Ням-Очир нь Ховд аймгийн дунд сургуулийн химийн багшаас ажлын гараагаа эхлүүлж дүүрэг, нийслэлийн боловсролын газар, БШУЯ-д шатлан дэвшиж ажилласан нэгэн юм. Төрийн албаны мерит зарчимд тулгуурласан шийдвэрийн дагуу түүнийг Боловсролын ерөнхий газарт томилон ажиллуулахаар болж байна.

Т.Ням-Очир нь 2018 оноос хойш Боловсрол, шинжлэх ухааны яамны Сургуулийн өмнөх ерөнхий боловсролын бодлогын хэрэгжилтийг зохицуулах газрын даргаар ажиллаж байгаа юм.