Ч.Номин сайд Турменистан улсын Соёлын дэд сайд Нурсахет Ширимовыг хүлээн авч уулзлаа

2025-04-09 14:57:00

Соёл, спорт, аялал жуулчлал, залуучуудын сайд Ч.Номин Туркменистан Улсын Соёлын дэд сайд Нурсахет Ширимовыг хүлээн авч уулзаж, соёл, аялал жуулчлалын салбарын харилцаа, хамтын ажиллагааг өргөжүүлэн хөгжүүлэх талаар санал солилцлоо.

Тус уулзалтын хүрээнд:

-Туркменистаны Үндэсний Музей болон Чингис хаан Үндэсний музей хоорондын хамтын ажиллагааг эрчимжүүлэх,

-Монгол Улсад Туркменистаны соёл, уламжлалыг таниулах зорилгоор тус улсын гар урлал, хивс хатгамлын үзэсгэлэн гаргахад хамтран ажиллах,

-Монгол Улсад Туркменистаны соёл урлагийн тоглолтыг зохион байгуулах,

-Хоёр орны сонгодог зохиолыг харилцан орчуулж, хэвлүүлэх зэрэг тодорхой арга хэмжээнүүдийг хамтран хэрэгжүүлэхээр тохиролцлоо.