УИХ-ын зарим гишүүд ХХОАТ-ын 10 хувийг 1 хувь болгох саналыг дэмжинэ гэлээ

2025-04-15 12:36:00

ХХОАТ-ын 10 хувийг 1 хувь болгох иргэний санаачилга гарч цахимаар санал авахад 100 гаруй  мянган иргэн санаачлагад нэгдсэн. Харин өнөөдөр уг санаачлагыг зарим УИХ-ын гишүүд дэмжиж хуулийн төсөл боловсруулна гэдгээ мэдэгдлээ.

Тодруулбал, УИХ-ын гишүүн Ж.Баярмаа: Иргэний гаргасан энэнхүү санаачлага ердөө долоохон хоногийн дотор 100 гаруй мянган санал авч үүний 65 хувь Улаанбаатар хотоос зуржээ. Мэдээж татвар  төлөгчдийн ачааг хөнгөлж, төсвийг хэмнэж байж  улс орны хөгжилд үр өгөөж нь гарна. Эдийн засгийн хувьд ч ач холбогдолтой. Иргэд өөрсдөдөө хөрөнгө оруулалт хийх, хувьцаа авч, зах зээлд ч эерэгээр нөлөөлнө. Төсвийг 2023 онд 22,5 их наяд төгрөг, 2025 онд 33,7 их наяд болгосон ба зөрүү нь 10 гаруй их наяд төгрөг байна. Хэрэв ингэж нэмсэн бол 2,4 их наяд төгрөгөөр хасах нь асуудалгүй  гэсэн бол 

УИХ-ын гишүүн Б.Пунсалмаа: Татварын багц ажлын хэсэг ХХОАТ-ыгн хувийг 1 хувь хүртэл буулгахаар ажиллаж байна. Хувь хүнийхээ хувьд би үүнийг дэмжиж байна. Хувь хүмүүс, ААН-үүд ийм өндөр татвар төлж байгаа нь тэгш эрхтэй байхыг зөрчиж буй. Олон улсад уг татварын хувь нь өндөр байдаг ч иргэд, ААН-иуд нь төлчихдөг. Учир нь буцаан олголтын хувь нь өндөр байдаг. Мөн энэ төлсөн татвар нь  хүүхдийнх нь сургалтын төлбөр, эмнэлгийн эмчилгээнд нь нэмэр болдог. Харин манайд энэ тогтолцоо дутмаг байдаг гэлээ. 

Тиймээс УИХ-ын гишүүн Ж.Баярмаа, Б.Пунсалма, Г.Очирбат нар  ХХОАТ-ын 10 хувийг 1 хувь болгох иргэний санаачлагыг дэмжиж  хуулийн төсөл санаачилна гэлээ.