Нэгдүгээр сарын 20-ноос хоёрдугаар сарын 11 хүртэлх хугацаанд Хөгжлийн банкинд 39.8 тэрбумын зээл эргэн төлөгджээ

2022-02-11 17:29:00

Монгол улсын хөгжлийн банк холбогдох хууль, дүрэм, журмын хүрээнд мэдээллийн ил тод, нээлттэй зарчмыг баримтлан Хөгжлийн банкнаас олгосон чанаргүй зээлийн мэдээллийг 2022 оны нэгдүгээр сарын 20-ны өдөр, Хөгжлийн банкнаас олгосон зээлийн багцын мэдээллийг  2022 оны нэгдүгээр сарын 31-ний өдөр өөрийн албан ёсны цахим хуудас болох www.dbm.mn хуудсанд байршуулж олон нийтэд мэдээлсэн билээ.

Тэгвэл нэгдүгээр сарын 20-ноос хоёрдугаар сарын 11 хүртэлх хугацаанд 39,828,377,135 буюу 39.8 тэрбум төгрөгийн эргэн төлөлт хийгдээд байгаа юм байна.