Энэ өвөл СХД, ХУД бүхэлдээ тог дулаангүй байх магадлалтай гэв үү? 

2025-06-02 11:58:00

Өчигдөр шөнө ТЭЦ-3 гал гарч тэр орчмын Алтай хотхон, Нарны хороолол зэрэг хотхонуудад түр зуур тог тасарсан. Энэ нь турбин хоолойн нь шатаж 9-р машин нь үнс болтлоо шатсан гэх албан бус мэдээлэл байгаа юм. 

Үүнээс  илүү анхаарал хандуулах ёстой асуудал бол энэ өвөл СХД, ХУД бүхэлдээ тог дулаангүй байх магадлалтай гэж турбины машинч нь хэллээ гэх мэдээлэл байна. 

Тус станц нь 198 МВт-ын суурилагдсан хүчин чадалтай бөгөөд нэг турбин-генератор ашиглалтаас гарахад л 25 МВт буюу хоёр аймгийн дайтай цахилгаан эрчим хүчний эх үүсвэр тасалддаг байна . Хэрэв бүрэн зогсолт гарвал дараах бүсүүд цахилгаан болон дулааны эрчим хүчний хязгаарлалтанд өртөх өндөр эрсдэлтэй:

 • Улаанбаатар хотын баруун бүс – Сонгинохайрхан, Хан-Уул дүүргийн хэсгүүд

 • Төв аймгийн зарим сум

 • Булган, Орхон, Дархан-Уул аймаг, Сэлэнгийн өмнөд сумд

 • Үйлдвэрүүд, эмнэлэг, сургууль, айл өрхийн хэрэглээний томоохон хэсгийг хангадаг

Хэрэв станц түр зогсвол ОХУ-аас өндөр өртөгтэй эрчим хүч импортлох шаардлага үүсч магадгүй талаар мэргэжилтнүүд сэрэмжлүүлж байна.