300 ортын эмчийн буруугаас болж 1 сартай нярай энджээ 

2025-06-03 14:51:00

Манай сайтад эх нярайн үндэсний төв 2 буюу 300 ортод эмчлүүлэх явцад эмч нарын гаргасан алдаа, хариуцлагагүй байдалтай холбоотой гомдол мэдээллүүд ирсээр байна. 

Энэ удаа иргэн А нэг сартай охиноо цээж шуугих зовиуртайгаар 300 ортод очоод олигтой эмчилгээ үйлчилгээ авч чадаагүйн улмаас нэг сартай охиноо алдсан тухайгаа бидэнд мэдээлсэн юм. 

Асуудлыг тодруулбал охиныг очсон өдрөөс хойш гурав хоногийн дотор өгзгөнд нь лаа хийснээс өөр эмчилгээ хийгээгүй бөгөөд нэг сартай нярайг нярайн тасагт биш энгийн хүүхдийн тасагт хэвтүүлж тэндээс өөр төрлийн халдвар авч биеийн байдал хүндэрснээр эрчимтийн тасагт шилжүүлжээ. 

Ингээд эрчимтийн тасагт орж  1 сартай нярай 3 удаа хагалгаанд орсон ч харамсалтай нь  энджээ.  Тиймээс анх хүлээн авч, үзлэг хийсэн ч  дорвитой эмчилгээ үйлчилгээ үзүүлээгүй, өвчнийг хүндрүүлсэн тус эмнэлгийн ажилчид болон анх хүлээн авсан Азаа эмчид гомдолтой байгаагаа хэлсэн юм. Тэд “Хэрэв лаа хийгээд болчих байсан бол бид гэртээ ч чадах байсан. Эмнэлэгт аврал эрж очдог болохоос  үрээсээ хагацъя гэж очдоггүй юм аа эмч нар аа” гэв.