Төсвийн мөнгө уйлахгүй

2025-06-26 14:54:00

Үндэсний Аудитын газраас Монгол Улсын Засгийн газрын санхүүгийн нэгдсэн тайланд хийсэн аудитын дүгнэлтээ танилцуулж засгийн үр ашиггүй зарцуулалт болон маш их хэмжээний төсвийн алдагдал зэрэг ил болсон.  

Мөн өмнөх Засгийн үед төрийн алба данхайж маш олон яамд тамгийн газар шинээр нэгдэж олон албан олон дарга сайд ажиллаж байсан. Мэдээж сайд дарга бүрт төсөв хуваарилагдан тэд захиран зарцуулахдаа төсвийн мөнгө уйлахгүй гэгчээр мөнгөөр туйж байсан нь аудитын дүгнэлтийн тайланд дурдагджээ. Тухайлбал 2024 онд нийт 33.8 тэрбум төгрөгийн төсвийг зориулалтын бусаар, үр ашиггүй зарцуулсан байгаа юм. Үүнийг задлавал: 

-Гадаад харилцааны сайд Б.Батцэцэг 8 тэрбум төгрөг, 

-ХХААХҮ-ийн сайд Ж.Энхбаяр 6.4 тэрбум төгрөг, 

-АҮЭБ-ийн сайд асан Ц.Туваан 6 тэрбум төгрөг, 

-Шадар сайд С.Амарсайхан 2.8 тэрбум төгрөг, 

-Боловсролын сайд П.Наранбаяр 2.8 тэрбум төгрөг, 

-Зам, тээврийн сайд Б.Дэлгэрсайхан 2.4 тэрбум төгрөг, 

-Бусад төсвийн ерөнхийлөн захирагч 5.4 тэрбум төгрөг байна.

-Боловсролын сайд П.Наранбаяр - 5.6 тэрбум төгрөг

-ГБХНХ-ын сайд асан Л.Энх-Амгалан - 1.3 тэрбум төгрөг

-Сангийн сайд Б.Жавхлан - 1.3 тэрбум төгрөг

-Бусад төсвийн ерөнхийлөн захирагч - 3.7 тэрбум төгрөг байна.

Зургийн эх сурвалж: Samandar Tsogtbayar