Хотын мээр Х.Нямбаатар Чойжоо сайдаас болж зунжин зодуулсан гэв үү?

2025-09-16 18:53:00

Хотын дарга Х.Нямбаатарыг попорч, хүн загнахаас өөр шидгүй хэмээн шүүжлэл их. Харин түүнийг сүүлийн үед ажлууд сайн хийж байгаа гэж магтах ч хотын төвийн замуудыг хуулаад, явах зорчих замгүй хэмээн шүүмжлэлд ч өртөөд байгаа.

Тэгвэл хотын дарга Х.Нямбаатар Эрчим хүчний яам дулааны шугам солино оо гээд явган хүний зам хуулаад сэндийчээд хаяснаас болоод зунжин хүмүүст зодууллаа хэмээн цахим хуудастаа Чойжоо сайдыг хатуухан шүүмжилжээ.

Тэрбээр "Дүүрэг орон нутаг, нийслэлийн төсвөөр хийгдсэн ажлын араас Эрчим хүчний яам дулааны шугам солино, шинэчилнэ, өргөтгөнө гээд хуулаад сэндийчээд хаячихдаг. Нөхөн сэргээж ажлаа гүйцэд хийж, хүлээлгэн өгөлгүй хаячихаад алга болно. Нийтлэг дүр зураг.

Сарын өмнө комисс хүлээн авсан явган зам хуулаад хаячихлаа Нямбаатар аа гээд бүтэн зунжин таны өмнөөс би зодууллаа, Чойжоо сайд аа.

Нийслэл барьж байгуулна, танай яам араас нь сэндийчиж хаячхаад алга болно. Харин юм л бол хойд хар овоохой гэгчээр нөгөө л Нямбаатар буруутан нь.

Төсвийн хөрөнгөөр хувийн хотхон руугаа дулаан татдаг, өргөтгөдөг Чойжоо сайд аа, та энэ хядсан ногоон байгууламж, сүйтгэсэн нийтийн эзэмшил, явган замаа хэзээ нөхөн сэргээх вэ" гэжээ.