Эм, эмнэлгийн хэрэгслийн хяналт, зохицуулалтын газрын зургаан үйлчилгээ “e-mongolia”-д орлоо

2022-03-03 18:35:00

Эм, эмнэлгийн хэрэгслийн хяналт, зохицуулалтын газраас аж ахуй нэгж, байгууллагад үзүүлдэг 6 үйлчилгээ цахимжиж, “e-mongolia” -д орлоо. Тодруулбал,

• Биологийн идэвхт бүтээгдэхүүний бүртгэл, сунгалт, өөрчлөлтийн үйл ажиллагаа
• Импортын эмийн бүртгэлийн үйл ажиллагаа
• Импортын эмийн хугацаа сунгалтын үйл ажиллагаа
• Импортын эмийн өөрчлөлтийн үйл ажиллагаа
• Оношлуурын бүртгэл, сунгалт, өөрчлөлтийн үйл ажиллагаа
• Үндэсний үйлдвэр, уламжлалт эм, эмийн түүхий эдийн бүртгэл, сунгалт, өөрчлөлтийн үйл ажиллагаа зэрэг үйлчилгээнүүд цахимжлаа.

Тус үйлчилгээ авахын тулд аж ахуй нэгж, байгууллагууд тоон гарын үсгээрээ www.e-mongolia.mn сайт руу нэвтэрч орж, үйлчилгээнүүд цэсээс ЭРҮҮЛ МЭНД гэсэн үйлчилгээг сонгож, дээрх үйлчилгээг авах боломжтой. Тус үйлчилгээ  нь олон шатлалт үйлчилгээ тул гар утасны аппликэйшнээс авах боломжгүй гэдгийг анхаарууллаа.