Алт 3 тогтоолд тавьсан Ерөнхийлөгчийн хоригийг хүлээн авах эсэх санал хураалтыг хойшлууллаа

2025-09-23 17:47:00

УИХ-ын чуулганы өнөөдрийн нэгдсэн хуралдаанаар "Алт-3" аяныг хэрэгжүүлэх тогтоолд хэсэгчлэн тавьсан Ерөнхийлөгч У.Хүрэлсүхийн хоригийг хүлээж авах эсэхийг хэлэлцлээ. 

УИХ-ын гишүүд асуулт асууж, хариулт авсны дараа тус хоригийг хүлээж авах эсэх санал хураалтыг маргааш хүртэл хойшлууллаа. 

Энэ талаар УИХ-ын дэд дарга Х.Булгантуяа "Байгаль орчин, хүнс, хөдөө аж ахуйн байнгын хороо, Эдийн засгийн байнгын хороо хамтран зохион байгуулсан “Халзан бүрэгтэй” орд газрын ашиглалт, байгаль орчинд үзүүлэх сөрөг нөлөөлөл, эрсдэлийг нарийвчлан судлах" сэдэвт ерөнхий хяналтын сонсгол үргэлжилж байна. Нилээн урт сонгол болж байгаа. Мөн Төсвийн байнгын хороо улсын төсвөөр санхүүжих хөрөнгө оруулалтын төслүүдийн хэлэлцүүлгийг хэлэлцэж байгаа юм. Нэг зэрэг хоёр газар гурван байнгын хорооны гишүүд хэлэлцүүлэгтэй байгаа тул Ерөнхийлөгчийн хоригийг хүлээж авахтай холбоотой санал хураалтыг маргааш нэгдсэн чуулганы хуралдаан эхэлсэн даруйд явуулна" гэв.