Ерөнхий сайдаас УИХ-ын даргад хаяглав 

2025-09-26 13:27:00

Маргааш МАН-ЫН бага хурал болж намын дарга сонгогдсоноор МАН хагарал бутрал болсон тэмцэл зүйндээ орно. Тэр бол 70 оны социалист бүлгэм 80 оны шинэчлэлийн гэх хоёр бүлгэм бие биенийхээ булхайг дэлгэн том том чулуу шидэлцэж байна. Ээжл дараалан чадах чадах сувгаараа дамжуулан цочирдом мэдээлэл хийж байна. Ээлжит нь Ерөнхий сайд Г.Занданшатар. Тэрбээр өөрийн нүүр хуудсаар дамжуулан ийм мэдэгдэл хийжээ.

"Өнөөдөр Засгийн газрын 100 дахь өдөр. Хийх ажил, хуримтлагдсан асуудал ч их байна. Хамгийн сайн улс төр бол хийсэн ажил, шийдсэн асуудал, үр дүн гэдэг. Эдийн засгийн хүндрэл хямрал болж даамжрах аюулыг бид зогсоож, эдийн засгаа сэргээж чадлаа. Төмөртэйн овоо, Төгрөг нуурын ордуудаар Баялгийн санг арвижуулж эхэллээ. 

Урдах ажилдаа анхаараад удаа дараа мэдэгдэл хийх цаг ч, сонирхол ч байгаагүйг эрхэм журмын нөхөд маань ойлгоно гэдэгт итгэж байна. Худал, хулгай, хуйвалдааны замаар зорилгодоо хүрэх нь миний зарчим биш. Албан тушаалын төлөө журмын нөхдөө гүтгэж, хэлээгүйг хэлсэн мэт, хийгээгүйг хийсэн мэт ярьж, УИХ, Засгийн газар, нийгмээ, намаа талцуулж байгаа нь төрийн хүнд байх ёс зүй, мөн чанар огтхон ч биш ээ. Хийсэн ажилтай, хэлэх үгтэй очно. Нүүр нүүрээ харж, үнэн худлыг дэнсэлцгээе. Маргааш уулзъя" гэжээ.