Ж.Баярмаа: 10 тэрбум долларын алдагдалтай нүүрсний хулгай гарсан эсэх, ард нь хэн байгаа зураг асуудлыг шалгах түр хороо байгуулсан

2025-09-29 11:11:00

УИХ-ын гишүүн Ж.Баярмаа Харбины хэлэлцээртэй холбоотой асуудлаар цахим хуудастаа бичжээ.

Тэрбээр, "10 тэрбум ам.доллар буюу 36 их наяд төгрөгийн алдагдалтай Нүүрсний хулгай-N2 гарсан эсэх, гарсан бол яагаад, хэн хэн холбоотой, хэн хэн ард нь байгаа зэрэг асуудлаар УИХ-ын хянан шалгах Түр хороог УИХ-ын гишүүн Д.Ганбат хамтаар байгуулахаар шийдвэрлэн, өөрийн бланканд хүсэлтээ бичсэн. Үүнд өчигдөр хамгийн түрүүнд УИХ-ын гишүүн Б.Энхбаяр, Д.Энхтүвшин нар гарын үсэг зурсан.

Дашрамд, энэхүү хянан шалгах ажиллагааг хийх шийдвэрт зарим нэг улс төрийн бүлэглэлийн уур/айдас ихэд хүрсэн бололтой гар хөл, хөлсний төлөөлөгчдөөрөө дайруулж, давшуулах, гүтгэн харлуулах, сарниулах ээлжит ажиллагааг янз бүрийн аргаар хийж байна.

Ажиллагаа ХЗДХ-ийн сайд асан, УИХ-ын гишүүн Б.Энхбаяр тасралтгүй 9 дэх жилдээ засаглаж буй МАН-ын хулгай, дээрэм, авлига, бараг хүн амины хэргийн тухай ярьсны маргаашнаас онцгой эрчимжсэн.

2025 онд гишүүн болсноосоо хойш өнөөдрийг хүртэл гүтгэлэг, харлуулалтын хар хонгилоор чирүүлсэн.  Тэглээ гээд Би, бид айхгүй, ухрахгүй" гэжээ.