Д.Амарбаясгалан: Миний бие өнөөдрийг хүртэл хууль хяналтын байгууллагад аливаа асуудлаар шалгагдаагүй

2025-09-29 17:35:00

Ардчилсан намын дарга О.Цогтгэрэл мэдээлэл хийж, МАН-ыг дотоод зөрчлөө шийдэхийг шаарддсан. Тэгвэл түүний мэдэгдлийн дараа МАН-ын дарга Д.Амарбаясгалан мэдэгдэл гаргажээ. 

Тэрбээр, "Ардын намын Бага хурлын гаргасан шийдвэртэй холбогдуулан Ардчилсан намын дарга мэдээлэл хийжээ. Улс төрийн намууд бие биенийхээ дотоод асуудалд оролцох нь зохисгүй бөгөөд шүүх тогтоогоогүй тохиолдолд хэнийг ч гэм буруутай гэж үздэггүй Үндсэн хуулийн зарчимтайг Та мэдэх бизээ. Дашрамд миний бие өнөөдрийг хүртэл хууль хяналтын байгууллагад аливаа асуудлаар шалгагдаагүй болно. Харин надтай холбоотой зохион байгуулалттайгаар тараасан гүтгэлгийг шийдвэрлүүлэхээр холбогдох байгууллагуудад шалгуулахаар хандсаныг үүгээр мэдэгдэж байна"  гэв.