Долоо хоногт 4-16 хүртэлх насны 12 хүүхэд зам тээврийн осолд өртөж гэмтжээ

2022-04-01 18:44:00

Эцэг эхийн хайхрамжгүй байдлаас үүдэн хүүхэд зам тээврийн осолд өртөж, амь насаараа хохирох тохиодол гарсаар байна. Сүүлийн долоо хоногт хүүхэд өртсөн 13 осол бүртгэгджээ. Үүнээс 12 хүүхэд гэмтэж, 1 хүүхдийн амь хохирсон байна. Осолд өртсөн хүүхдүүдийн 12 явган зорчигч хэлбэрээр хөдөлгөөнд оролцсон бол 1 мотоцикл жолоодож хөдөлгөөнд оролцох үедээ автомашинд мөргөгдөж гэмтэж бэртжээ.

Насны хувьд 4-16 хүртэлх насны хүүхдүүд байгаа нь эцэг эхчүүд хүүхдэдээ тавих хараа хяналтаа сайжруулах, явган зорчигч хэлбэрээр бие даан хөдөлгөөнд оролцох үедээ явган хүний гарцаар, тээврийн хэрэгслийг бүрэн гүйцэд зогссоны дараа аюулгүй байдлаа хангаж зам хөндлөн гарах, замын хөдөлгөөнд зөв оролцох дадлыг хэвшүүлэх шаардлагатай байна гэж ТЦА-наас анхаарууллаа.