Ирэх тавдугаар сарын 1-нээс тоон гарын үсэг хэрэглээнд нэвтэрнэ

2022-04-04 18:53:00

Хууль зүй, дотоод хэргийн сайд Х.Нямбаатар  тоон гарын үсэгтэй холбоотойгоор мэдээлэл хийлээ.

Тавдугаар сарын нэгнээс цахимын хууль хэрэгжиж эхэлнэ. Уг хууль хэрэгжиж эхэлснээр 16 нас хүрсэн хүн бүхэн тоон гарын үсэгтэй болох юм. Үүгээр дамжуулан төрд байгаа бүхий л мэдээллээ цахимаар хэрэглэж, дээрээс нь төр иргэдэд үйлчилдэг 126 үйлчилгээг цахим гарын үсгээрээ баталгаажуулж авдаг болох юм.

Ирэх сарын 1-нээс эхлээд тоон гарын үсгээ ашиглан авах боломжтой. Зөвхөн эдгээр дөрвөн үйлчилгээг  иргэд заавал биеэр  ирж авах юм. Тодруулбал, Гэрлэлтэд хүний сэтгэл хөдлөл шаарддаг, Хурууны шинэчилсэн хээний бүртгэл, Монгол Улсын иргэн болох болон болих тохиолдол, Хоригтой холбоотой мэдээллүүд биеэр ирж авах үйлчилгээнд багтаж байна.