Сүлжээний доголдолтой ХААН БАНК

2022-05-20 15:49:00

 Монголын хамгийн олон харилцагчтай банк гэж өөрсдийгөө сурталчлах ХААН БАНК  нь үйлчилүүлэгч, харилцагчдынхаа хэрэгцээ шаардлагыг хангаж чадахааргүй тийм л сул банк гэдгээ олон удаагийн доголдол, зөрчлөөрөө баталж байна.

Олон хүний ард зогсч, төлбөр тооцоо хийнэ гэдэг цаг хугацаа алдсан үнэхээр бухимдамаар ажил. Орчин цагт ийм үйлийг Хаан банкны харилцагчид л эдэлж байна.  Сав л хийвэл сүлжээний доголдол үүсч интернет болон мобайл банкаар гүйлгээ хийх саатал гардаг нь иргэдийг бухимдуулсаар байгаа.   Иргэд тус банканд л итгэж өөрийн хөрөнгөө хадгалуулчихаад олон удаа системийн доголдол гэгч зүйлээс болж хохирч байхад яаралтай арга хэмжээ авахын оронд мөрөө хавчиж, толгой сэгсэрч зогсоо банкны ажилчдыг харахаар бухимдал төрөхөөс ч яах билээ. Түүнээс гадна иргэдийн дансан дахь мөнгө мэр сэр алга болох тохиолдлууд бүртгэгдсээр байдаг. Тухайлбал 2021 оны есдүгээр сард иргэний данснаас 2 сая төгрөг ор сураггүй алга болсон тохиолдол гарч тухайн иргэн хаан банкинд хандсан боловч цагдаагийн байгууллагад ханд гээд хэнэг ч үгүй тайлбар хийсэн. Нөгөө аюулгүй баталгаатай, итгэл даасан энэ тэр уран гоё реклам сурталчилгаа хайчив. Энэ мэт дурдаад байвал дундрашгүй банкны доголдол нэртэй энэ хариуцлагагүй байдал хэр удаан үргэлжлэх вэ?