ЭЕШ-д 36253 шалгуулагч бүртгүүлсний 7160 нь өмнөх оны төгсөгч байна

2022-06-21 17:00:00

Элсэлтийн ерөнхий шалгалт улс орон даяар ирэх пүрэв гараг буюу зургаадугаар сарын 23-нд эхэлнэ. Уг асуудалтай холбоотойгоор Боловсролын үнэлгээний төвийн ЭЕШ хариуцсан ахлах мэргэжилтэн Д.Энхжаргалаас шалгалттай холбоотой статистик мэдээллийг тодрууллаа.

Энэ жил 36523 суралцагч ЭЕШ өгөхөөр бүртгүүлсэн байна. Үүний 7160 нь өмнөх оны төгсөгч байгаа бол 29093 нь энэ оны төгсөгч байгаа юм.

Математикийн шалгалтад хамгийн олон буюу нийт 24316 төгсөгч бүртгүүлсэн байна. Харин Газар зүйн хичээл дээр хамгийн бага юу 1061 төгсөгч бүртгүүлжээ.

Боловсролын үнэлгээний төвийн ЭЕШ хариуцсан ахлах мэргэжилтэн Д.Энхжаргал “Улсын хэмжээнд нийт 49 байранд шалгалт авахаар бэлтгэл ажлыг хангаж байна. Аймаг орон нутагт 23, Улаанбаатарт 26  шалгалтын төв ажиллана. Нийслэлийн 26 шалгалт авах байрны дөрөв нь өмнөх оны төгсөгчид хуваарилагдсан байна.  Энэ жилээс эхлэн ОУ-ын хөтөлбөрөөр хичээллэдэг сургуулидын буюу олон улсад хүлээн зөвшөөрөгддөг шалгалтын дүн оноог ЭЕШ-ын дүн оноотой дүйцүүлдэг шинэж журам батлагдсан. Уг журмын дагуу Боловсролын үнэлгээний төвд 600 гаруй хүүхэд дүн оноог дүйцүүлэх хүсэлтээ өгснөөс 606 хүүхдийн дүн оноо дүйцэгдэн батлагдсан” гэв.