СТАТИСТИК: Өдөрт 114 хүүхэд гэнэтийн осолд өртдөг

2022-10-18 10:40:00

Энэ сарын 10-нд БЗД-ийн "Олимп" хотхоны арын замд "Ланд-200" маркийн автомашин урсгал сөрөн долоон машин мөргөж, 12 настай хоёр охиныг мөргөж, дайрч гэмтээсэн ноцтой осол гарсан. Мөн хоёр хоногийн өмнө гарцаар гарч байсан 13 настай хүүг том оврын ачааны машин дайрч, амийг нь хохироосон харамсалтай хэрэг гарсан билээ. Энэ мэтчилэн жолоочийн хариуцлагагүй байдлаас болж бяцхан үрс хорвоог орхих тохиолдол гарч байна. 

Сүүлийн гурван жилийн дунджаас харахад, Монгол улсын хэмжээнд жилд 0-15 насны 43,615 хүүхэд гэнэтийн осолд өртсөн гэсэн тоо байна. Энэ нь өдөрт 114 хүүхэд гэнэтийн осолд өртдөг гэсэн үг. Энэ бол маш өндөр тоо. 

Дэлхийн бусад улс орнуудын хувьд хүүхдийн нас баралтын түвшин 100,000 хүүхэд тутамд 2,0 байдаг бол энэ тоо манай улсын хувьд 3,7 дахин өндөр байгаа нь мөн л санаа зовоож байна.