Хатан хаан II Элизабетэд үлдээсэн МЯНГА гаруй чихмэлийг хүүхдийн асрамжийн газарт өгчээ

2022-10-20 16:38:00

Их Британийн Хатан хаан II Элизабетийн дурсгалыг хүндэтгэн ордны гадна талбайд иргэдийн үлдээсэн мянга гаруй чихмэл бамбаруушийг хүүхдийн асрамжийн газруудад хуваарилан өгчээ. Хүүхдүүдийн хайртай дүр болох Пэддингтон бамбаруушаас голдуу бүрдсэн тоглоомуудыг 200 гаруй сайн дурынхан хураан авч цэвэрлэн, эмзэг бүлгийн хүүхэд залуучуудад дэмжлэг үзүүлэхээр ийнхүү хандивлажээ.

70 жил төр барин, улсынхаа төдийгүй дэлхий дахинаа хүндлэгдсэн Хатан хаан II Элизабет өнгөрсөн есдүгээр сарын 8-нд таалал төгссөн бөгөөд оршуулгын ёслолын үеэр түүнтэй салах ёс хийхээр мянга мянган иргэд цуглан олны цуваа 5 км үргэлжилж байв.

Хатан хаан II Элизабет Перугийн бэлгэ тэмдэг баавгай Пэддингтон баавгайтай хамт 2012 онд дүрс бичлэгт орсноор тэдний хайр татам нөхөрлөл олны анхаарлыг татсан түүхтэй. Пэддингтон баавгайн тухай анхны 1986 оны зохиолд Хатан хаантай уулзаж буй тухай өгүүлдэг бөгөөд тэд нүүлгэн шилжүүлсэн хүмүүс болон дүрвэгсдийн тухай дайны үеийн дурсамжуудаа хуваалцдаг билээ.