Төв, Дорнод аймагт ой, хээрийн түймэр гарсныг Онцгой байдлын алба хаагчид унтраажээ

2022-10-27 09:32:00

Төв аймгийн Эрдэнэ сумын Хушинга багийн “Заан Тэрэлжийн сүв” гэдэг газар ойн түймэр гарчээ. Энэ тухай дуудлагыг 10 дугаар сарын 25-ны өдрийн 14:45 цагт холбогдох албаныхан хүлээн авчээ. Дуудлагын дагуу тус аймгийн Онцгой байдлын газар, нийслэлийн Налайх дүүргийн Онцгой байдлын хэлтсийнхэн зэрэг алба хаагчид ажиллаж мөн өдрийн 19:23 цагт цурамд оруулсан бөгөөд 10 дугаар сарын 26-ны өдрийн 21:00 цагт бүрэн унтраасан байна.

Мөн Дорнод аймгийн Чойбалсан сумын Хөхнуур багийн “Модот цуурай” гэдэг газар хээрийн түймэр гарсан тухай дуудлагыг 10 дугаар сарын 26-ны өдрийн 18:10 цагт хүлээн авч, тус сумын Засаг даргын Тамгын газрын ажилтнууд 18:07 цагт очиж, 19:40 цагт түймрийг бүрэн унтраасан гэж Онцгой байдлын ерөнхий газраас мэдээллээ.